Легендарната пејачка Тина Тарнер почина на 83-годишна возраст, соопшти нејзиниот портпарол. 

„Тина Тарнер, „кралицата на рокенролот“, почина денеска на 83-годишна возраст по долго боледување во нејзиниот дом во Куснахт во близина на Цирих, Швајцарија“, изјави тој и додаде:

„Со нејзиното заминување, светот загуби музичка легенда“

Погребот ќе биде приватен, со блиски пријатели и семејството. „Бараме да ја почитувате приватноста на нејзиното семејство во овој тежок момент“, рече портпаролот на Тина Тарнер.

Тина Тарнер е родена на 26 ноември 1939 година во Натбуш, Тенеси како Ана Меј Булок во семејство каде нејзината мајка работела во фабрика, а нејзиниот татко бил баптистички министер. По разводот на нејзините родители, Ана се преселила во Св. Луис каде што посетувала летна гимназија. Во познатиот клуб Империал го запознала ар-ен-би музичарот Ајк Тарнер, по што изразила желба да пее со него.

На почетокот Ајк беше доста скептичен за нивната соработка, но со текот на времето сфати дека нема за што да се грижи и дека ова е навистина вистински талент. Заедно, Ајк и Тина снимија голем број хитови како што се: A Fool in love, It s Gonna Work Out Fine, Honky Tonk Woman и Proud Mary.

Покрај деловната соработка, тие решија да се венчаат во 1962 година во Мексико. Сепак, бракот траел до средината на 70-тите, кога почнал да се распаѓа поради зависноста од дрога и лошата психичка состојба на Ајк. По разводот во 1974 година, Тина го издаде својот прв независен албум, по што започна нејзината независна кариера.

Враќањето на сцената го сними во 1983 година со кавер на песната Lets Stay Together, која стана хит низ цела Европа, а се што следеше потоа е само историја. Тука треба да се спомене Приватен танчер и улогата во филмот Mad Max 3.

Доби место во Рокенрол Куќата на славните. Ајк и Тина Тарнер беа примени во Рокенрол Куќата на славните во 1991 година. Фил Спектор ја прими наградата во нивно име. Истата година го издаде компилацискиот албум Simply the Best, кој ги содржеше повеќето хитови од враќањето на Тина на сцената. Насловната песна на филмот за Џејмс Бонд Златно око е снимена во 1995 година. Автори на песната се Боно и The Edge од U2. Таа песна беше на нејзиниот следен студиски албум, Wildest Dreams, објавен во 1996 година.

Заедно со италијанскиот пејач Ерос Рамацоти, таа во 1997 година го издаде дуетот Cose Della Vita - Can't Stop Thinking of You, за кој ги напиша и стиховите на англиски јазик. Песната беше голем европски хит. Заедно со Елтон Џон и Шер во 1999 година, таа ги изведе своите хитови од 80-тите години на ТВ шоуто VH1.

Таа го издаде својот деветти студиски албум Wildest Dreams во 1999 година, а следната година ја започна турнејата Twenty Four Seven, една од најуспешните во нејзината кариера. Заедно со Фил Колинс, ја сними песната Great Spirits во 2003 година за цртаниот филм Legend of the Bear.

На 68-годишна возраст, на 10 февруари 2008 година, таа настапи заедно со Бијонсе Ноулс на 50-годишнината на Греми наградите, нејзиниот прв голем настап по турнејата 24/7. По повод 50-годишнината од нејзината работа, на 30 септември 2008 година, таа ја започна турнејата наречена Tina!: 50th Anniversary Tour. По успехот во САД, на 14.01.2009 година започнува со настапи во Европа. Турнејата беше придружена со албумот Tina!: 50th Anniversary Tour.

Таа имаше фантастичен глас и впечатливо тело, со извајани нозе, кои ги задржа долго и покрај нејзината поодмината возраст.

Во 1986 година, Тарнер го запозна германскиот музички директор Ервин Бах, кој бил испратен од нејзината европска издавачка куќа (ЕМИ) да ја пречека на аеродромот во Дизелдорф. Бах беше повеќе од шеснаесет години помлад од неа. Во јули 2013 година, по 27-годишна романтична врска, тие се венчаа на граѓанска церемонија на брегот на езерото Цирих во Куснахт, Швајцарија.

Тина имаше два биолошки сина: едниот со Рејмонд Хил, по име Рејмонд Крег, роден на 20 август 1958 година, а другиот со Ајк Тарнер, Роналд „Рони“ Ренел Тарнер, роден на 27 октомври 1960 година. Таа, исто така, посвои две од децата на Ајк Тарнер, одгледувајќи ги како свои. Тарнер имаше 18 години кога го роди најстариот син. Неговиот биолошки татко бил саксофонистот на Kings of Rhythm Рејмонд Хил. Ајк Тарнер го посвоил Рејмонд Крег Хил и го променил своето име во Крег Рејмонд Тарнер.