Премиерот на Албанија, Еди Рама, им се заблагодари на стотиците илјади гласачи кои ја поддржаа неговата Социјалистичка партија на парламентарните избори, велејќи дека е убеден оти земјата може да стане членка на ЕУ до 2030 година.

На прославата на плоштадот Скендербег во Тирана, пред илјадници поддржувачи, Рама изјави дека „Албанија е на вистинскиот пат“ и повика на заеднички напор за остварување на европската интеграција. Со 83 освоени места во парламентот од вкупно 140, социјалистите во Албанија ќе владеат самостојно.