Односот на Европа кон „Астра Зенека“
Foto

Односот на Европа кон „Астра Зенека“

Откако европските министри за здравство не се договорија за заеднички пристап кон употребата на вакцината „Астра Зенека“, европските земји продолжуваат со различни протоколи и правила за употреба. Најнова е одлуката на Шпанија која објави дека ќе ја дава вакцината само на постари од 60 години. 

- Ова го правиме за да имаме време да донесеме најдобрата одлука за тоа дали луѓето треба да ја примат втората доза од оваа или од друга вакцина. - изјави Каролина Дариас, Министерка за здравство на Шпанија.

Анкета на белгиското здружение за заштита на потрошувачите покажа дека на 57 отсто од граѓаните во Белгија им е поткопана довербата во вакцината на „Астра Зенека“, поради постојаните проблеми со оваа компанија. Словенија и Хрватска засега немаат ниту еден случај на крвни згрутчувања од вакцината на „Астра Зенека“, а официјална Љубљана вели дека ќе продолжи вакцинацијата со оваа вакцина според досегашната стратегија.

- Со оваа вакцина ги вакцинираме луѓето од 60 до 65 години, нема да ја менуваме стратегијата барем до средината на април кога ќе ни стигнат вакцини од Џонсон и Џонсон. - изјави Бојана Беовиќ, советник на министерството за здравство на Словенија.

Од останатите земји Германија ја ограничи употребата на „Астра Зенека“ на лица постари од 60 години и им препорача на луѓето под 60 години кои ја примиле првата доза да добијат втора доза на друга вакцина.

Франција и Белгија ја даваат вакцината само на луѓе над 55 години. Во Финска се дава над 65 години, Италија препорача вакцинација само над 60 години. Велика Британија пак и другите земји на Унијата во моментов немаат ограничувања за вакцината на „Астра Зенека“.

0 Коментари

Остави коментари