Советот на јавни обвинители не се најде повикан на повеќето прозивки на власта за партизирани обвинители и распуштање на ова тело. Претседателката на советот Душица Димитриеска смета зачестените обвинувања на власта до правосудниот систем не се однесуваат на нејзината институција и затоа како што рече истите нема да ги коментира.  

Премиерот Мицкоски во неколку наврати посочи дека е потребно коренити реформи во правосудството со распуштање на Судскиот совет и Советот за јавни обвинители. Запрашан дали се планира да се поведе постапка за распуштање на советот - тој вчера истакна дека чекор по чекор ќе следат многу реформи во правосудниот систем.

Во меѓувреме Советот на ЈО му најде замена на судијата Мустафа Хајрулахи кој е суспендиран од функцијата шеф на Вишото јавно обвинителство Скопје. Наташа Крстевска Цалева ќе ја води оваа судска институција која беше предложена од  државниот обвинител Љупчо Коцевски, а  денеска едногласно беше избрана.

Советот на јавни обивнители брои 11 члена. Но, на тројца од нив кои ги избира Собранието од редот на професорите и правниците според најавите на власта ги чека истата судбина како членовите на судски - Интерпелација во Законодавниот дом.