Пренамената, реорганизацијата на просторот, промените на електричната, водоводната и на канализациската инсталација и вградувањето несоодветни материјали непосредно влијаеле врз исполнување на основните барања за безбедност на дискотеката „Пулс“ – истакна вештакот и професор Горан Марковски на денешното рочиште за трагичниот пожар во Кочани одговарајќи на прашања на обвинетите. 

На паузата од рочиштето родителите на две деца што загинаа во трагедијата упатија силни и емотивни пораки барајќи одговорност и целосно расветлување на институционалните пропусти.