Ново обвинение за струшкиот градоначалник Рамиз Мерко, овојпат за светлата во Црн Дрим. Основното јавно обвинителство Струга поднесе обвинителен предлог против градоначалникот во заминување, за кривично дело – злоупотреба на службена положба и овластување. 

Во периодот од 1 април 2021 до 27 јуни 2022 година, Мерко, во својство на службено лице – градоначалник ги пречекорил границите на своите овластувања и склучил договор за изведба на проект за осветлување на дел од речното корито на Црн Дрим, без претходно да обезбеди водостопанска согласност од Министерството за животна средина и просторно планирање. 

Според вештачењето прибавено од Обвинителството, светлата во реката негативно влијаеле  врз режимот на водите и хидро-биолошкиот систем.