Македонија се наоѓа на 38 позиција во индексот за слобода на медиумите кој што го изработува репортери без граници, најдобар успех во последните 15 години, но колку е реално во пракса.

Медиумите во Македонија и вработените постојано се соочуваат со политички притисоци и пропаганда, борба со дезинформациите и што да се направи за послободни медиуми на овие теми се водеше панел дискусија организирана од институтот за медиуми и аналитика. Панелистите во своите излагања зборуваа како да се намали влијанието врз уредувачката политика во медиумите. 

Притисоци имало отсекогаш без разлика кој е на власт, но многу зависи од интегритетот на медиумскиот работник и медиумот колку ќе биде отпорен на влијанијата, слободата на медиумите е постојана борба смета генералниот директор на медиумската информативна агенција драган Антоновски.

Уредничката на вести во националната телевизија Алсат Арта Тахири вели дека политиката во македонија околу слободата на медиумите е подржана во изјавите на политичарите, но во реалноста се прави спротивното.

Во демократските држави како што се декларира и Македонија институциите објективно се транспарентни со објавување на информации од јавен интерес на нивните сајтови, но потребно е да работат повеќе и на отчетноста, работа на медиумите е да информираат а органите кои функционираат од народните пари се должни да соработуваат со медиумските работници и постојано комуницираат за да има објективно информирање.