Бензините од ноќеска на полноќ поевтинуваат за еден денар по литар, а цената на дизел горивата се намалува за половина денар, одлучи денеска Регулаторната комисија за енергетика (РКЕ).

Со одлуката се врши намалување на малопродажните цени на нафтените деривати во просек за 0,83 отсто во споредба со претходната пресметка.

Новата малопродажна цена на Еуросупер БС-95 ќе биде 73 денари за литар, Еуросупер БС-98 ќе се продава за 75 денари, додека дизелот за 68 денари. Екстра лесното масло за домаќинство (ЕЛ-1) ќе чини 67,5 денари за литар.