Зад нас е најуспешната сезона во енергетскиот сектор. Владата и институциите презедоја ефикасни и навремени мерки за справување со последиците од светската енергетска криза, вели за „Студио 10“ Дарио Николовски, директор на агенција за енергетика.
 
- Владата се реши да го зголеми домашното енергетско производство. Во рамки на грејната сезона 2022/2023, за месеците од октомври до март, имаме вкупно домашно производство на електрична енергија од над 2,7 милиони MWh. Само во споредба со претходната грејна сезона тоа е зголемување на вкупното производство на електрична енергија од 45 отсто. Пропаднаа сите лажни сценарија на ВМРО-ДПМНЕ со кој го плашеа народот дека ќе има рестрикции, дека цената на електричната енергија ќе расте за 50 до 60 отсто, дека енергетскиот сектор ќе пропадне. Електрична енергија, гас и парно имаше постојано цела грејна сезона. Како дополнителна потврда за доброто менаџирање, обезбедивме поевтина електрична енергија за училиштата, градинките, јавните комунални претпријатија, граѓаните не добија повисоки сметки за струја, а за 72.000 компании цента на електрична енергија се намали за 20 отсто. Паралелно сме предводник во инвестирање во обновливи извори на електрична енергија со цел да ја зголемиме енергетската независност на државата. За само петнаесет месеци од 1 јануари 2022 до 31 март 2023 година, инсталиран е 192 MW вкупен капацитет од обновливи извори, односно доволно електрична енергија со која може да се задоволат потребите на домаќинствата со просечна потрошувачка  од десет градови или околу 76.000 домаќинства. Инвестициите во енергетиката се инвестиции во сигурна и стабилна иднина, економски раст и придвижување кон зелената економија. Ние се грижиме за граѓаните и државата, затоа продолжуваме посветено со одговорни енергетски политики! - вели Николовски.