Откако локалните жители реагираа поради зголеменото присуство на мечки во населените места во општина Маврово и Ростуше, од Владата најавуваат мерки за успивање и дислоцирање на мечките а во најбрз можен рок треба да бидат отстранети сите помали и поголеми депонии во  населените места.

Проблемите и опасностите со мечките на жителите од селото Жировница изгледаат поедноставно кога се гледаат од далечина на телевизија, лаптоп или мобилен телефон - напиша првиот човек на центарот за управување со кризи Стојанче Ангелов и објави видео во кое жител на Жировница брка мечка низ селото.