На два дена од почетокот на пописот, граѓанската иницијатива „Не отворам врата“ повика на бојкот на најобемната статистичка операција, причините за бојкот ги гледаат во епидемиолошката состојба на државата со коронавирусот, и сметаат дека власта се заканува со непостоечки казни против секој кој нема да отвори врата за пописот. 

Од државниот завод за статистика велат дека се е подготвено и дека се обезбедени сите потребни ресурси за спроведување на пописот. Ги повикаа граѓаните да учествуваат на пописот и да не го бојкотираат. 

До почетокот на пописот на 5 септември, Заводот организира имунизација за оние кои се уште не примиле вакцина, а сакаат. Од Владата информираа дека сите 50 пописни комисии се екипирани, а во деновите до пописот се прават дополителни обуки, но и планови за попишување. Земјава е една од ретките во светот која нема попис речиси две децении.