Во првите шест месеци од 2025 година, Народната банка одржа 39 едукативни предавања со над 1.000 учесници, што е зголемување во однос на 2024 година соопштуваат од НБРМ. Предавањата се одржани на македонски, албански и англиски јазик, а учесниците имаа можност да го посетат и Музејот на банката. Во рамките на Глобалната недела на парите се  обучени наставници, кои подоцна пренесоа знаење на над 2.600 ученици. Дополнително, беа организирани квизови и работилници за средношколци дополнуваат од НБРМ.