Хотелиерите веќе ги сумираат последиците од откажувањето на авиолинијата до Охрид на полскиот тур оператор "Раинбоу" кој на охридско струшкото крајбрежје низ годините носеше огромен број туристи од Варшава.

Веќе е забележан пад во бројот на ноќевања.Сега останува само еден оператор од Полска кој ќе работи со ограничен број хотели и гости. 

Но она што уште позагрижува е дека се забележува пад во бројот на туристи периодов и генерално, и не само кај нас туку и во Европа. Намален е бројот и на ноќевања, откажани или на стенд бај се и многу други туристички групи, кружни тури. Од секторот сметаат дека не е проблемот во цените туку во стравот за патувања, кој го наметнаа неколкуте актуелни ситуации во светски рамки.

Инаку освен полскиот "Раин Боу", авиолинијата до Охрид ја откажа и холандскиот "Корендон" кој оперираше три пати неделно до аеродромот Св. Апостол Павле причината наводно е внатрешна реорганизација. Сега холанѓаните ќе доаѓаат со туроператорот "ТУИ". Од охридскиот аеродром оваа сезона оперираат шест авиокомпании до осун различни дестинации.