Михајло Михајловски: Имавме состанок со Самсоненко, ќе има спас за Вардар!
Foto

Михајло Михајловски: Имавме состанок со Самсоненко, ќе има спас за Вардар!

Ракометниот клуб Вардар се наоѓа во круцијален период од неговото модерно постоење, по кој ќе се знае каква ќе биде неговата иднина. Важен состанок се случил вчера, меѓу Сергеј Самсоненко, играчите и Михајло Михајловски и на него се договориле некои работи, пренесува Спорт1. 

Според Михајло Михајловски, нема простор за паника и за немири, неговите прогнози се дека Вардар ќе остане на ова ниво, можеби во малку променет состав. 

„Точно е дека вчера имавме состанок јас, Самсоненко и играчите и во моментов најважно ни е тие да се концентрираат на фајналфорот. Се прават напори да се спаси Вардар за да биде на ова рамниште на коешто е. Како и да е, ќе се најде едно вистинско, оптимално решение тие да си продолжат. Тие што веќе потпишаа договори со нови клубови ќе си одат, но сите останати ќе останат. Значи имавме конструктивни разговори со цел да се спаси Вардар и играчите да бидат спокојни и да се концентрираат на Ф4“ - вели Михајловски за Спорт1. 

Ако неговите зборови се протолкуваат во имиња, од Вардар, сепак, летово ќе си заминат Карачиќ, Мораес, Калараш, Кисељев, кои веќе имаат потпишано со нови клубови, но и Криштопанс, чиј договор со ПСЖ првично беше од 2020 година. Останатите остануваат, но уште повеќе радува фактот што Михајловски вели дека се трудат да го задржат Вардар на ова рамниште, на кое фунцкионира во последниве неколку години.

0 Коментари

Остави коментари