Филипче најави Предлог резолуција за да се спречи носење мигранти во земјава. СДСМ резолуцијата ќе ја поднесе во Собранието, ако не добие поддршка од власта - опозицијата ќе организира сенародни протести.

Филипче неколку дена со обвинувања до власта - дека договорот со Британија е условен со прифаќање на мигранти. Ваквите информации вели тој, веќе ги потврдија и наши извори од британската влада. 

Премиерот Мицковски смета дека Филипче во недостиг на теми измислува мигрантска криза - за да си ја спаси функцијата. Најави повлекување од политиката - ако лидерот на опозицијата со неговите истомисленици до наредната пролет најде макар еден мигрант.

Мицковски со денови ги отфрла обвинувањата на СДСМ - дека земјава ќе прифаќа мигранти, тема за која месецов пишуваа и ја потврдија и дел од светските медиуми. 

Но, вториот човек во владата Вицепремиерот за добро владеење Арбен Фетаи, кој доаѓа од редовите на коалиционен партнер ВРЕДИ - денеска без став околу најавената мигрантска криза. 

Темата за мигранти во Македонија се отвори откако британските медиуми објавија дека се преговара - за нелегалните мигранти и за оние кои се одбиени за азил. Македонија е транзит држава. За време на бегалско- мигрантската криза поминаа скоро 1 милион бегалци и мигранти, но никој не остана во земјава.