Очекувам цената на бензините да се намали, а на дизелот да остане иста, изјави денеска премиерот Христијан Мицкоски, откако владата вчера донесе сет мерки.  

Во меѓувреме, регулаторната комисија за енергетика ги утврди новите највисоки малопродажни цени на горивата кои ќе важат од полноќ.

Според одлуката, цената на еуросупер бс-95 изнесува 83,50 денари за литар, што претставува намалување за половина денар. Бензинот еуросупер бс-98 останува непроменет и ќе се продава за 85,50 денари за литар. Еуродизелот поскапува за два и пол  денари и ќе чини 98,00 денари за литар. Зголемување има и кај екстра лесното масло.