Нови потреси за правосудниот систем. Власта по серијата напади најави и иницијатива за разрешување на Судскиот совет - како прв владин чекор за реформи во судството и обвинителството.

Премиерот Мицковски смета дека треба да се зададе удар директно во чело без импровизации и импланти.

Неговата партија за многу скоро во Собранието ќе ја поднесе иницијатива за разрешување на судиите од советот кој за премиерот е дел од системот како главно упориште на корупција, неправди и разочарувања.

Додека премиерот напаѓаше, Судскиот совет на седница носеше одлуки за избор на нови судии. Првиот човек на ова тело Камбовски со умерен тон. Закон за Судскиот совет додека е во сила треба да се почитува, но за наоѓање излез од сегашната состојба подготвен сум за соработка со извршната и законодавната власт, дополни Камбовски

За опозицијата најават на власта за разрешување на Судскио совет е нова партизација и окупација. Потребни се темелни реформи на правосудството, кои треба да започнат во Собранието - посочи Филипче

„СДСМ бара следните чекори и реформи во правосудството да се прават со консензус на сите партии во Собранието. Потребен е национален, натпартиски пристап кој ќе обезбеди реформи согласно европските препораки. За тоа е потребно формирање на заедничка работна група во Собранието кое ќе ги дефинира, контролира и заеднички спроведува реформите во овој чуствителе сегмент.“ - Филипче.

Претпладнево на само еден ден откако Академијата на судии и јавни обвинители ги доделија уверенијата на новата генерација - Судскиот совет и Советот на јавни обвинители објавија оглас за избор на нови 50 судии и 47 јавни обвиители.