Ќе има ли нов обиди да се одмрзнат преговорите на парламентарните групи за изборниот законик откако денеска Левица излегоа со соопштение дека ќе ги искористат сите правни,  политички и демократски механизми за една изборна единица и покрај пробиените рокови.

Од партијата додаваат  дека пробиениот рок не го поништува барањето на граѓаните кое е нужно неопходно за изборен и фер демократски процес. 

Левица 

- Левица ќе ги користи сите политички , институционални и демократски механизми за прашањето за една избнорна единица повторно да биде отворено . Рокот што го проби власта не го поништува барањето на народот . Партии уверени во народната поддршка не бегаат од една изборна единица не бараат спас во изборни манипулации и не си обезбедуваат милионска буџетска предност за политичко рекламирање . Од еднакви правила се плашат само оние што знаат дека нивната реална политичка тежина е помала од моќта што им ја подарува системот.

Сепак од владејачката ВМРО ДПМНЕ пак и денеска не пропуштија прилика да ги обвинат токму СДСМ и Левица дека тие се кочничари на целиот овој процес поради кој земјата остана покуса за 4, 2 милиони евра  сретства од европските фондови додека се донесеше овој реформски закон.

Валентин Манасиевски ВМРО-ДПМНЕ 

Од Бихаќка пак денеска обвинија дека токму ВМР- ДПМНЕ се тие кои не сакаат нов изборен законик.

СДСМ 

- ВМРО-ОКГ и Христијан Мицкоски го блокираат донесувањето на нов Изборен законик во согласност со препораките на ОБСЕ и ОДИХР.Наместо да се донесе закон кој ќе обезбеди фер, транспарентни и демократски избори, тие се обидуваат да протуркаат решенија кои ќе им овозможат контрола и манипулација врз изборниот процес.Особено загрижувачки е нивниот однос кон гласањето на дијаспората. Наместо да се воведат механизми за контрола и транспарентност, ВМРО-ОКГ сака систем кој ќе им дозволи да манипулираат со стотици илјади гласови од дијаспората.

Повици за гласање на изборниот законик имаше и од меѓународните претставници и од евроамбасадорот Рокас но неговите изјави останаа само морална поддршка за приближување на ставовите на партиите кои пак одлучија да не ги продолжат преговорите а реформскиот закон остана заглавен во собраниските лавиринти.