Маја Манолева заменик министерка за здравство за Студио 10 рече дека во ноември како месец за месец на машкото здравје, министерството имало низа активности поврзани со октомври и ноември како месеци на машкото и женското здравје.

- Во октомври се спроведоа низа активности за борбата против ракот на дојката кои им испорачаа информации на граѓаните што да направат за себе и се промовираше скрининг програмата на бев платформата на која секоја жена може самоиницијативно да се пријави и да си закаже скрининг на дојка. Имаме и пациентки на помлада возраст. Жените кои имаат позитивна семејна амнеза може исто да се пријават. Скринингот се спроведува во осум центри во државата и тенденција е да бројот на центрите се зголеми во наредниот период и планирани се набавки на нови мамографи да бидат опфатени сите региони. Целата партиципација ја покрива министерството за здравство. Во однос на машкото здравје ракот на простата е најчесто заболување и во овој месец се орјентираме на повеќе градови каде ќе го промовираме машкото здравје. Ракот на простата не е опфатен со скринингот, но се прават подготовки да се опфати и со овој скрининг. Ова заболување е сериозно и се јавува кај постарата популација. Пациентите не се јавуваат навремено на преглед.  Во нашите јавни установи има специјалисти уролози и трибините кои ги организираме секојдневно, алармираат за симптомите за оваа болест. - рече Манолева.