Мандолинскиот оркестар „Скопје“ вечер ќе одржи концерт во чест на Мајка Тереза во Католичката катедрала „Пресвето Срце Исусово“ во Скопје.

Концертот ќе почне во 19:30 часот, а оркестарот ќе настапи под диригентската палка на Рамадан Шукри и Ерхан Шукри.

На програмата се дела од Јохан Себастијан Бах, Антонио Вивалди, Пјетро Маскањи, Љупчо Бранџолица, Волфганг Амадеус Моцарт, Стефан Тошевски, Франц Шуберт и Марио Гранџани.

Како солисти на концертот ќе настапат Мерсиха Шукри на харфа, Стефан Милошевиќ на мандолина, Ана Јанческа на обоа и мандолина и Павел Ковалевски на гитара.