Макс Ферстапен по победата во Германија минатиот викенд продолжи во ист стил и на денешните квалификации за пол-позицијата за ГН на Унгарија. Возачот на Ред Бул го оствари најдоброто време, за своја прва пол-позиција во кариерата. Воедно, ова е прва пол-позиција за болид со мотор на Хонда по пауза од години.
Мерцедес досега доминираше во квалификациите, но овојпат „сребрената стрела“ мораше да се задоволи со пониските места на пиедесталот. Валтери Ботас извозе одличен последен круг, но и тоа беше недоволно да се стигне до првата позиција. Финецот утрешната трка ќе ја стартува од второто место, пред актуелниот светски првак Луис Хамилтон.
Зад него ќе се најдат двајцата возачи на Ферари, Леклер на четвртата и Фетел на петтата позиција. Тој стана пилот број 100 во историјата на Формула 1, кој ги освоил квалификациите.
Формула 1. Гран при на Унгарија. Квалификации:
1. Макс Верстапен (Ред Бул) – 1: 14.572
2. Валтери Ботас (Мерцедес) – +0.018
3. Луис Хамилтон (Мерцедес) – +0.197
4. Шарл Леклер (Ферари) – +0.471
5. Себастијан Фетел (Ферари) – +0.499
6. Пјер Гусли (Ред Бул) – +878
7. Ландо Норис (Мекларен) – +1.228
8. Карлос Сајнц (Мекларен) – +1.280
9. Ромен Грожан (Хаас) – +1.441
10. Кими Раиконен (Алфа Ромео) – +1.469.
0 Коментари