Македонскиот мјузикл „Као какао“ инспириран од музиката на Влатко Стефановски, љубовна приказна напишана од Венко Андоновски, а во режија на Дејан Пројковски, на 19 јуни ќе го отвори најновото издание на Битолско културно лето „БитФест“.

На прес-конференција во Битола, директорот на ЈОУ Културен информативен центар (КИЦ)-Офицерски дом, Димитар Михајловски, изјави дека за прв пат битолскиот КИЦ во целост ќе го организира и реализира „БитФест“.

Според Влатко Стефановски, „Као какао“ не е забавно естраден проект, туку сериозен и амбициозен уметнички експеримент.