Македонската ракометна репрезентација денес го претрпе првиот пораз во квалификациите за Европското првенство во 2024 година, откако Португалија во „Борис Трајковски“ славеше со 23:29.

Првите минути од натпреварот донесоа борбена игра со малку голови. Ние го отворивме натпреварот со голот на Џонов, а Португалците изедначија во петтата минута по два промашени напади. По промашените напади и на двете страни, Португалците почнаа да погодуваат, а нас Филип Кузмановски со два гола не одржуваше резултатски блиску до Португалците. На истекот на 10-тата минута гостите имаа предност од 3:5.

Во следниот наш напад Цветан Кузмановски реализираше седмерец и го постигна својот прв гол на натпреваот за 4:5. Знаеа Португалците да погрешат во нападот, но во тој период не успеавме да ги искористиме тие грешки, па и по половина од првото полувреме Португалија ги одржуваше тие 1-2 гола предност (4:6).