Македонската фудбалска репрезентација остана непоразена на гостувањето кај фаворизираната Белгија.

Одличниот Столе Димитриевски беше нерешлива енигма за белгиските напаѓачи, па по гостувањето во Гент , Македонија го задржа првото место во групата.

По шест одиграни кола Македонија е непоразена и прва на табелата со 12 бодови еден повеќе од Белгија која има 11, додека Велс е трет со 10 бодови но овие репрезентации имаат и натпревар помалку.

Со тоа, фудбалерите на Македонија се уште можат да сонуваат историски пласман на Мундијалот во САД, Канада и Мексиско следната година.

Во следното коло в понеделник, Македонија го пречекува Казахстан и со победа против оваа репрезентација Македонија речиси сигурно ќе обезбеди пласман барем во баражаот за пласман на СП.