Македонската Џудо федерација очекува брзо разрешување на случајот со приведувањето на поранешен џудо тренер
Foto

Македонската Џудо федерација очекува брзо разрешување на случајот со приведувањето на поранешен џудо тренер

Македонската Џудо федерација реагираше во врска со последните случиувања и приведувањето на тренерот по џудо, обвинет за обљуба и злоупотреба на тренерската положба врз малолетни ученички доверени за тренирање и воспитување.

„Во врска со последните случувања поврзани со обвинувањата за злоставување малолетнички од тренер по џудо, згрозени сме од информациите во јавноста и очекуваме брзо разрешување на случајот. Веруваме дека истрагата целосно ќе го расветли случајот за што како Федерација сме целосно на располагање на истражните органи.

Посочениот тренер одамна не е член на федерацијата и уште минатата година беше дел од дисциплинска постапка поради злоупотреба на официјален документ испратен од Светската Џудо Федерација како и поради прекршување и непочитување на Статутот и други мерки и протоколи. Поради оваа дисциплинска постапка, одземена му е лиценцата за тренер по џудо и исфрлен е од Џудо федерацијата на Македонија, за што официјално беа известени сите надлежни институции вклучувајќи ја и Агенцијата за млади и спорт.“ - велат од Македонската Џудо федерација.

0 Коментари

Остави коментари