Лиле Стефанова во Кривичен: Катица Јанева нареди Орце Камчев да биде пуштен од притвор
Foto

Лиле Стефанова во Кривичен: Катица Јанева нареди Орце Камчев да биде пуштен од притвор

Обвинителката Лиле Стефанова денеска во Кривичниот суд даде изјава во својство на сведок во судскиот процес „Рекет“. Таа изјави дека предметот „Империја“ бил почнат со експлицитни разговори кои ги преслушале и биле со индиции за сторени кривични дела.

„Наредбата за истрага првично беше против 13 лица, а за пет од нив сметавме дека може да влијаат врз сведоци. Јордан Камчев имаше двојно државјанство, имот надвор од земјава и силно влијание врз сведоците, а Панделески имаше привремена лична карта од Грција. Затоа за пет лица побаравме и беше определена мерка притвор. На некој чуден начин од истражителите бев известена дека Камчев спремен ги чекал да дојдат тие, а дел од телефоните биле сменети. При претрес во „Орка Холдинг“  беа Филимена и Михајло Маневски. И таму беше „чистено“. Тоа што го најдовме како докази го земавме. Панделески и Камчев цело време праќаа емисари, политичари и бизнисмени за да влијаат врз истрагата кај мене и кај Јанева. До тој момент таа не покажа со ништо дека сака да влијае врз мене. Во декември започна да бара повеќе информации. Ништо тогаш не ми беше чудно. Околу 20 ноември прв го повикав Камчев да го запознаам со предметот. Тој од џебот извади лист и ми го даде. Ми рече читајте го делот каде е напишан на латиница од Наташа Савова. Пишуваше да разговарам со Сашо Мијалков за негово ослободување. На листот пишуваше дека за него ќе се преземат пакет мерки за кој ќе се погрижи Наташа Савова. Листот и го дадов на Јанева, но таа ништо не реагираше – рече Стефановска.

Стефанова рече дека на состанок, Катица Јанева и рекла на петмината притворени да им се изменат мерките и да се ослободат од притвор.

„Јас се побунив, но таа рече дрско `Тоа е моја одлука, тоа е важно за процесите во државата и да се донесе законот за обвинителство`. Тогаш се побуни само еден колега, другите молчеа. Таа уште еднаш ме потсети да ги уважам жалбите на обвинетите“ - рече Стефанова.

0 Коментари

Остави коментари