Експертите за јавно здравје предупредуваат на здравствените ризици поради преполнетите контејнери со ѓубре кои веќе два дена се таложат во главниот град. Високите темеператури и летните горештини дополнително го зголемуваат ризикот од појава на разни заразни заболувања.

„Веќе од среда натака ќе имаме и енормно високи температури што уште по драстично ќе го зголемат проблемот и ќе го подигнат на многу повисоко ниво и веќе ќе може да очекуваме за некој ден можеби и заболувања. Ние како превентивна здравствена установа повикуваме на совест кај сите, не само на раководството туку и на вработените, едноставно затоа што имаме закон за заштита од заразни болести, тука е издравствениот и санитарен инспекторат, ризик веќе имаме тој ризик само ќе се зголемува и не смееме тоа да го дозволиме.“ - изјави проф. д-р Михаил Кочубовски од Секторот за здравствена екологија во Институт за јавно здравје.

Колку подолго трае ваквата состојба толку повисоки се ризиците врз здравјето на граѓаните.

„Тука се и мувите кои што влегуваат во домовите и ако имате храна, или јадете надвор или немате комарници и немате заштита дали инскети или муви ќе влезат ќе имаме преку ланецот на искхрана заразување. Понатака ако е органски отпад кој се распаѓа и тоа трае, има исцедок кој ќе оди на тротоар, па го газите го внесувате внатре, па поантака оди во канализација, па тоа е другиот ризик, плус аерозагадување заради самиот мирис но не е само мирисоту туку и самиот ветар разнесува честички и гасови едноставно сето тоа влијае негативно на човековото здравје замислете тоа да се влоши уште повеќе што би значело.“ - вели Кочубовски.

Лекарите по јавно здравје бараат што побрзо решавање на проблемот со чистењето на ѓубрето и сметот за да не дојде до полнење на инфективните клиники.