Александар Кржаловски од МЦМС во Аргумент плус рече дека, не треба да имаме големо очекување за гласањето на европскиот извештај.

Според него, топката веќе не е кај Бугарија туку кај Европската унија.

„Моето мислење е дека не треба да имаме големи очекувања за европскиот извештај веројантно ќе биде интересна недела. Од Бугарија се гледа продолжение на се што прават во последниве неколку години а тоа е дека топката не е кај нив туку е европски консензус и нема што да бараме и очекуваме од нив. Се држат до тоа дека ова е ситуација меѓу Македонија и ЕУ. Радев изјави дека нема да имаат повеќе барања и нагалси каде се вклучени барањата, се што бараа тие е вклучено во сите документи кои се формално во ЕУ и сметаат дека од нивна страна работата е завршена, сметаат дека Македонија ги прифатила и сега треба да ги спроведе. Прашање е колку ќе се испочитува се тоа. Не се многу гласни и не долеваат масло во огнот“, рече Кржаловски.