Фискалниот совет во соработка со Светска банка денеска во Скопје организира конференција за фискалното управување во Европската унија и улогата на Фискалниот совет. Конференцијата е финансирана од Фондот за доверба на Европската унија за зајакнување на фискалното управување во Западен Балкан.

На конференцијата најавено е обраќање на министерката за финансии Гордана Димитриевска Кочоска, на раководителката на Одделот за економски прашања во Канцеларијата на ЕУ Марија Канелопулу, како и на директорот на Светска банка за Северна Македонија и Косово, Масимилијано Паолучи.

На конференцијата ќе учествуваат и проф. д-р. Марина Трпеска, член на Фискалниот совет, академик Таки Фити, деканот на Економскиот факултет во Скопје, Предраг Трпески, главниот државен ревизор Максим Ацески.