Хрватската влада до Парламентот достави пакет измени со кои по првпат се воведува доживотен затвор, се дефинираат нови кривични дела против животната средина и поврзани со суровост кон животните, а значително се зголемуваат и казните.

Согласно предложените измени, од 1 јануари 2027 година судовите ќе можат да изрекуваат доживотен затвор за 15 од најтешките кривични дела, кои во моментов се казнуваат со долготрајна затворска казна.

Со измените ќе се укине и застарувањето за сите кривични дела за кои е предвидена долготрајна затворска казна или доживотен затвор.

Хрватската влада предлага и ново тешко кривично дело против животната средина – екоцид – во случаи кога се предизвикуваат катастрофални, долготрајни и неповратни штети врз воздухот, водата, почвата и екосистемот во целина.