Изложба на слики од 10. Mеѓународна ликовна колонија на Мобилност Македонија
Foto

Изложба на слики од 10. Mеѓународна ликовна колонија на Мобилност Македонија

По повод Светскиот ден на лицата со инвалидност „3-ти Декември“, во мултифункционалниот објект Порта Македонија, ќе биде отворена изложба на слики од 10. Mеѓународна ликовна колонија на Националниот сојуз на лица со телесен инвалидитет – Мобилност Македонија, што се одржа во Охрид од 13 до 19 април годинава.

Изложените дела се изработени од академски сликари, академски сликари со телесен инвалидитет и талентирани лица со телесен инвалидитет од Македонија, Словенија, Русија, Србија, Хрватска и Бугарија.

– Мобилност Македонија во својата Програма за работа посветува особено внимание на стимулирање и развој на културно уметничките афинитети на своите членови, лица со телесен инвалидитет. Целиот проект го стимулира ликовното творештво на лицата со телесен инвалидитет и организирањето на ваква меѓународна ликовна колонија има за цел да докаже дека креативните потенцијали на лицата со телесен инвалидитет се многу поважни од предрасудите дека техничката изведба е најважна, велат од Националниот сојуз на лица со телесен инвалидитет.

0 Коментари

Остави коментари