Италијанскиот министер за спорт рече дека Роналдо го прекршил безбедносниот протокол со враќањето во Торино
Foto

Италијанскиот министер за спорт рече дека Роналдо го прекршил безбедносниот протокол со враќањето во Торино

Италијанскиот министер за спорт, Винченцо Спадафора изјави дека напаѓачот на Јувентус, Кристијано Роналдо, кој претходно се зарази со коронавирус, го прекршил протоколот за безбедност кога се вратил во Торино.

– Сметам дека тој го прекрши протоколот затоа што немаше посебна дозвола од здравствениот орган, рече Спадафора на „Раи Радио“.

Јувентус издаде соопштение за враќањето на португалскиот напаѓач во Торино.

– Кристијано Роналдо се врати во Италија со медицински лет, дозволен од здравствениот орган на барање на играчот. Фудбалерот ќе продолжи да го почитува режимот на самоизолација дома, се вели во соопштението.

Фактот дека Кристијано Роналдо се зарази со коронавирус стана познат во вторникот, на 13 октомври.

0 Коментари

Остави коментари