Новоизбраниот шеф на Обвинителството за организиран криминал и корупција Ислам Абази денеска официјално стапи  на функцијата.

Иако во јавноста не стивнуваат критиките за неговиот избор претседателот  на Советот на јавни обвинители  Антонио Јолевски го пофали Абази за неговата досегашна работа во гостиварското обвинителство. 

Во меѓувреме, пропадна уште еден  обид за избор на шеф на вишото јавно обвинителство. Им треба повеќе време за да ги разгледаат оценките и досиејата на пријавените кандидати. Во трка за шеф на скопското вишо обвинителство се обвинителите Фатиме Фетаи и Бурим Рустеми кои беа дел од специјалното јавно обвинителство и актуелниот обвинител на вишото скопско обвинителство, Мустафа Хајрулахи.  

Универзитетскиот професор Гордан калајџиев за ТВ 24 рече дека изборот на први луѓе во судството треба да биде базиран на професионалност и одговорност. Во спротивно ќе продолжи да тоне довербата. 

Седницата во Советот продолжува в понеделник.