Иран постави пет клучни услови кои, според официјален Техеран, треба да бидат исполнети за да се стави крај на тековниот конфликт во регионот. Според иранските власти, условите вклучуваат- 

Целосен прекин на воените операции, итно запирање на нападите од сите страни, како предуслов за било какви понатамошни разговори.

Гаранции за безбедност – Техеран инсистира на меѓународни гаранции дека нема да има нови напади врз неговата територија или интереси во регионот.

Повлекување на странските сили – Еден од главните услови е повлекување на странските воени сили од чувствителните подрачја, што според Иран е клучно за стабилизација.

Признавање на регионалната улога на Иран – Властите бараат нивната позиција како важен фактор на Блискиот Исток да биде прифатена во идните договори.

Укинување на санкциите – Иран нагласува дека економските санкции, особено оние поврзани со енергетиката, мора да бидат постепено укинати како дел од мировниот процес.

Овие барања доаѓаат во време на зголемени тензии и дипломатски напори за деескалација И веќе предизвикаа реакции кај западните земји и во рамки на Обединети нации, каде се водат дипломатски разговори за можен компромис.ВО МЕЃУВРЕМЕ Иран денеска дозволи бродови што превезуваат основни стоки да влезат во неговите пристаништа преку Ормускиот Теснец, но само под строга координација со иранските власти и според посебни протоколи. Потегот доаѓа по денови тензии и нарушен сообраќај во теснецот, низ кој нормално минува околу една петтина од светската трговија со нафта, и претставува ограничено попуштање, а не целосно отворање на поморскиот коридор.