Инзаги по триумфот над Барселона: Победивме еден од најсилните тимови во светот

Тренерот на Интер, Симоне Инзаги, ги пофали своите фудбалери по синоќешниот триумф над Барселона во третото коло од Лигата на шампионите.

Интер во Милано забележа победа со 1:0 со голот на Хакан Чалханоглу во судиското надополнување од првото полувреме.

 

– Одигравме одличен натпревар против многу силен противник со високо ниво на вештина. Заедно го задржавме налетот на ривалот. Добро комбиниравме. Среќен сум за моите играчи, за клубот и за навивачите. Прекрасна вечер, но ништо не е готово. Победивме една од најсилните екипи во светот. Кога секој е подготвен да се жртвува, можете да уживате на таквите натпревари. Играме без Брозовиќ и Лукаку. Се надевам дека нема да има други повредени, иако неколку играчи на крајот од мечот имаа грчеви во мускулите, изјави Инзаги.

 

Во Ц-групата води Баерн со максимални девет бода, Интер има шест, Барселона три, Викторија Плзењ е без освоен бод.