Горан Пандев со два гола го сруши Наполи во Џенова
Foto

Горан Пандев со два гола го сруши Наполи во Џенова

Најдобриот македонски фудбалер Горан Пандев кој синоќа со два гола беше творец во победата (2:1) на Џенова над Наполи, рече дека не е знае дали ќа ја заврши кариерата по Европското првенство и покрај најавите за такво нешто, пишува „Фудбал Италија“.

– Многу се трудев да закрепнам од последната повреда, но сепак уживам и се чувствувам добро. Моите мисли се да се повлечам по ЕП ова лето, но засега не знаеме ништо со сигурност, изјави за италијанските медиуми 37-годишниот Пандев.

Пандев кој постигна два гола против својот поранешен клуб Наполи, не славеше за погодоците.

– Поминав три прекрасни години во Неапол. Тие се одличен тим, но имаа многу повреди и позитивни на коронавирус. Уверен сум дека тие ќе се вратат во колосек оваа сезона.

За Џенова, Пандев вели дека се препородени со доаѓањето на тренерот Давиде Балардини. Тимот под негово водство има освоено 17 бода од осум натпревари во Серија А.

– Овие се три бода се многу важни. Сè уште не сме безбедни. Тренерот донесе чувство на смиреност во тимот, не направи свесни за нашите можности. Очигледно, сè станува полесно кога ќе почнете да добивате постигнувате резултати. Овој состав има квалитет и тренерот го извлекува најдоброто од нас, додаде Пандев.

Џенова по 21 коло има 24 бода и се наоѓа на 11. место во поредокот на Серија А.

0 Коментари

Остави коментари