Голманот на Комо, Пепе Реина, објави дека се повлекува од професионално играње по крајот на сезонава.

-Решив да ја завршам кариерата по завршувањето на тековната сезона. Оваа одлука ја донесов во јануари минатата година. Разговарав со сопругата и донесовме заедничка одлука, изјави Реина за „Movistar“.

Во текот на кариерата Реина бранеше за Виљареал, Ливерпул, Наполи, Баерн Минхен, Милан, Астон вила, Лацио и Комо. 

Четириесет и двегодишниот голманот го има освоено Суперкупот на УЕФА, Купот и Суперкупот на Англија, стана германски шампион и победник на Купот на Италија. 

Како дел од шпанската репрезентација, Реина стана светски шампион и двократен европски шампион.