Масовен интерес кај верниците.Само досега се пријавиле околу триста капачи од Охрид но и целата држава  за празникот Богојавление - Водици кога светиот крст ќе биде положен во водите на Охридското Езеро.

Годинава за првпат манифестацијата ќе ја води новиот митрополит на Дебарско-кичевската епархија  Георгиј. Светиот крст во водите на Охридското Езеро ќе се фрла во 10 часот додека претходно Богослужби ќе има во сите парохиски цркви. 

Температурата на водата во езерото е 8°C

 степени.За капачите ќе се грижат 5 медицински тимови на Црвениот крст и две амбулантски возила,5 тимови на спасители и три нуркачи екипи. За градот Охрид прославата на Водици е еден од најмасовно посетените настани. 

Изминативе денови јавните претпријатија го чистеа пристаништето,се чистеше и  езерското дно од страна на  нуркачите, а медицински тимови ќе вршат здравствени прегледи на капачите.Апелот до сите граѓани кои сакаат да влегуваат во водите, е тоа да го прават само доколку се потполно здрави.

Најважно е капачите да не конзумираат алкохол пред влегувањето, да носат соодветни обувки за внатре и веднаш после излегувањето од водата да имаат топла сува облека за облекување.