Германскиот канцелар Мерц со нов ЕУ план: Украина - асоцијативна членка, Западен Балкан - привилегиран набљудувач со забрзана постепена интеграција. 

Според германски Билд - во писмо испратено до претседателот на Европскиот Совет,  Антонио Кошта, шефицата на Европската комисија, фон дер Лајен, и до кипарското претседателство –  Мерц порачува дека е потребно политичко решение и дека неговата идеја не е замена за процесот на преговори туку мост до полноправно членство.

Идејата на Мерц е Украина да има еврокомесар без портфолио, европратеници без право на глас и да учестувува на состаноците на Европскиот Совет и Советот на ЕУ без право на глас.

- Немаме време за понатамошни одложувања. Предлагам понатамошна дискусија за идејата за „придружно членство“ за Украина.

За Западен Балкан и Молдавија, пак, предлага водедување на интеграција - фаза по фаза, со привилегиран пристап до заедничкиот европски пазар. Предлага тн. „градење блокови“  за усогласување со европското законодавство  и зголемена финансиска и техничка поддршка.

-Би можеле да предвидиме значајни чекори за овие земји на нивниот пат кон членство, со на пр. привилегиран пристап до единствениот пазар и поблиски врски со европските институции во секојдневниот процес на донесување одлуки, на пр. доделување статус на набљудувач на земјите од Западен Балкан во сите релевантни институции на ЕУ и одржување заеднички седници на Европската комисија или Европскиот парламент со претставници на земјите од Западен Балкан за прашања директно поврзани со регионот.

Предлогот доаѓа од многу високо ниво и не случајно се испраќа на само неколку недели пред Самитот за Западен Балкан во Црна Гора, велат експертите. Според нив, се очекува дискусија за правната форма и долгорочните импликации за ЕУ. 

– Мислам дека тој ќе биде основата во наредниот период . Блиску е до она што беше дел од првиот француски нон пејпер во 2019та- пред усвојувањето на новата методологија, бидејки се обидува да се справи и со прашањето за постепено пристапување кон фондовите. За разлика од тогаш , сега временскиот притисок е многу поголем, вели симонида Кацарска директорка на ЕПИ.  

Во 2019та пред да се усвои новата методологија, веднаш по француското вето, официјален Париз објави нон пејпер, преку кој - наместо класично отворање и затворање поглавја, се предлагаа 7 етапи на пристапување, а кандидатките имаа можност и за пристап до структурните фондови на ЕУ – идеја која не беше прифатена од членките. 

Последните два дена , пак , пет ЕУ членки – Австија, Италија Словенија, Чешка и Словачка иницираа предлог – системска секторска интеграција со пристп до европскиот единствен пазар.