Германски чадор во португалското претседателство, најава за надеж за Македонија
Foto

Германски чадор во португалското претседателство, најава за надеж за Македонија

Официјален Лисабон ги крева македонските надежи за преговори со ЕУ во следните 6 месеци. Додека Бугарија се спрема за политичка кампања, предизборни ветувања и нови стрели кон македонскиот идентитет, Португалија најавува почеток на политички контакти со Скопје и Софија. 

Дали зад португалскиот параван стојат германски потези или пак се сведува на формалности кои носат празни надежи. 

- Започнавме со политички контакти со Република Бугарија и Република Северна Македонија за да успееме да изнајдеме пат кон отворање на процесот, и за време на нашето претседавање да се одржи првата меѓувладина конференција со Северна Македонија, но и со Албанија. - вели Ана Паула Закариаш Португалската државна секретарка задолжена за ЕУ. 

Португалија во првите 10 дена од своето претседавање со ЕУ, испрати различни пораки за проширувањето и македонско-бугарскиот спор. Првата беше од португалскиот амбасадор во ЕУ, кој кажа дека Софија не треба да се обвинува дека е кочничар на проширувањето и дека Западен Балкан нема да биде во фокусот следните 6 месеци. Два дена подоцна шефот на португалската дипломатија кажа дека меѓувладините конференции на Скопје и Тирана со ЕУ, ќе бидат приоритет на нивното претседавање со Унијата. 

Експертите, ваквите изјави ги протолкуваа како избрзани, неурамнотежени и дека тоа се должи на фактот што Потугалија нема доволно познавања од регионот. 

Бугарија пак наголемо се спрема за избори, а премиерот заев најави дека политичките преговори ќе продолжат со новата бугарска влада. Тој вчера порача дека во овој период ќе се спроведуѕва Акцискиот план и ја остави јавноста во недоумица дали скопје и софија имаат направено компромис зад затворени врати. 

Веднаш потоа од Владата и МНР се дообјаснуваа дека нема усогласен акциски план меѓу Македонија и Бугарија. За разлика од нив, од кабинетот на Захариева останаа воздржани и се изјаснија дека нема да коментираат.

0 Коментари

Остави коментари