Генералното собрание на ОН објави дека денеска ќе започне 81-та редовна сесија, чија тема е „Враќање на довербата, управување со трансформацијата: Обединети нации достапни за сите“.

Како што е најавено, претседател на Генералното собрание на ОН на неговата 81-ва сесија ќе биде Халилур Рахман од Бангладеш, кој беше избран на функцијата во јуни оваа година.

Општата дебата ќе продолжи од 22 до 28 септември, со можни разговори за Украина.

Клучниот настан ќе биде „Моментот на целите за одржлив развој“, што ќе се одржи на 18 септември, а општата дискусија ќе почне на 22 септември и ќе трае до 28 септември, кога светските лидери ќе имаат можност да ги презентираат своите приоритети и ставови за итни меѓународни прашања и иднината на мултилатералната соработка.

Паралелно со општата дебата, ќе се одржат низа состаноци на високо ниво, а на 23 септември лидерите ќе ја одбележат 40-годишнината од Декларацијата за правото на развој, кога ќе ја потврдат важноста на инклузивниот, фер и партиципативен развој.
Состанок на високо ниво за превенција, подготвеност и одговор на пандемија ќе се одржи на 25 септември, а се очекува да кулминира со усвојување на политичка декларација насочена кон конкретни акции.