Не планирам да се пријавам на новиот оглас за судија во Стразбур, Владата не ми даде образложение кои услови според нив не ги исполнувам , а со тоа ги наруши и моите права, а и ми оневозможи правен лек, изјави во 24 Анализа судиката Габиеа Гајдова од скопска Апелација, која заедно со обвинителката Ленче Ристеска и адвокатот Јордан Апостолски беа кандидатите кои го поминаа филтерот на комисијата.

Владата ја укина комисијата, а на Гајдова, Ристеска и Апостолски им порача дека не ги исполнуваат условите, но без да образложат кои. Премиерот Христијан Мицкоски само потенцираше дека "вистинската вистина е таа на Владата" во однос на овој оглас.