Опозициската СДСМ стартува со нови бомби за корупција во кои како што рече денеска лидерот на партијата Филипче ќе обелоденуваат нови афери во кои се вклучени владини функционери.

Докази со документи од Бихаќка ќе бидат презентирани и јавно преку пресконференции а најавија и дека ќе бараат поддршка и од државните институции но и дека ќе ја повикаат европската обвинителка  Лаура Ковеши да се ангажира во истражувањето на наводи за злоупотреба на Европските фондови или попознати како Ипард програмата .  

Од владејачката ВМРО-ДПМНЕ пак ваквиот чекор на Филипче го оценија како политичка иронија обвинувајќи ја токму СДСМ дека како што велат и нивното претходно и актуелно раководство најмалку имале право да говорат за правда и дека тие како што додаде портпаролот на ВМРО-ДПМНЕ Манасиевски биле главниот извор на криминал и корупција . 

Лидерот на СДСМ Венко Филипче веќе и за утре најави нова бомба на таканаречениот фронт но и формирање на партиско  антикорупциско тело во кој ќе има советници правни експерти но и млади истражувачи кои ќе ги анализираат документите но и ќе поднесуваат пријави до домашни и меѓународни институции .