Ферстапен: Не мислам дека ќе можеме да го победиме Мерцедес, шампионатот заврши
Foto

Ферстапен: Не мислам дека ќе можеме да го победиме Мерцедес, шампионатот заврши

Пилотот на Ред Бул, Макс Ферстапен изјави дека не верува во победа над Мерцедес во сезоната 2020 година.

– Во „Муџело“ го имавме истиот проблем како една недела порано во Монца. Стартот беше добар, но кога отидов со полн гас, повторно се појавија проблеми. Го почувствував тоа дури и кога возев до почетната мрежа. Не е нормално дека ова се случува втор пат по ред, веќе сум уморен од тоа.

Се надеваме дека следната година ќе се доближиме до Мерцедес, изјави Ферстапен.

Тој смета дека практично оваа сезона шампионатот е веќе завршен и јасно е кој ќе биде победник.

– Не мислам дека имаме било какви шанси. Поради коронавирусот, не можеме да направиме многу промени во автомобилот. Се надеваме дека регулативата, која стапува на сила во 2022 година, ќе биде нов почеток. Ние сепак сакаме да победиме во секоја фаза, но овој шампионат е веќе завршен.

На половина од Ф1 сезоната убедлив лидер во Генералниот пласман е Луис Хамилтон од Мерцедес.

0 Коментари

Остави коментари