ФБИ истражувале дали Трамп бил закана за националната безбедност
Foto

ФБИ истражувале дали Трамп бил закана за националната безбедност

Американското ФБИ покренало истрага за претседателот Доналд Трамп откако тој го отпушти тогашниот директор на ФБИ Џејмс Коми. ФБИ  денови по разрешувањето од фунцкија на Коми почнало со истрага за тоа дали Трамп работел со Русија против американски интереси, објави Њујорк тајмс повикувајќи се на свои извори. Во истрагата се работело на проценка дали Трамп е закана за националната безбедност и дали намерно работел со Русија или имало само „случајно“ влијание на Москва.

Извори на весникот тврдат дека некои од највисоките безбедносни официјални лица биле особено сомничави за врските на Трамп со Русија за време на претседателската кампања во 2016 година, но тогаш не покренале истрага бидејќи се разгледувало како да се пристапи кон „толку чувствителна и важна истрага“. Истрагата почнала откако Трамп го разреши Коми. Во написот на Њујорк тајмс не се нагласува дали таа истрага се уште трае. Специјалниот обвинител Ромерт Малер и понатаму работи на истрага за можно руско мешање. 

0 Коментари

Остави коментари