Еевиденцијата на самопопишувањето покажува бројка од 171.620 македонски државјани кои живеат во странство и кои се самопопишале на електронската апликација од почетокот на овој процес, на 1 март, до денес, соопшти Државниот завод за статистика.

Информира дека само во последното деноноќие се попишани 11.101 лице.

Во Швајцарија се попишани над 56 илјади лица, во германија близу 40 илјади и италија над 27 илјади лица.

Во Албанија пак, се самопопишале само 342 лица со македонско државјанство.

Неколку земји се издвојуваат по бројот на самопопишани лица и тоа на врвот на листата и натаму е швајцарија со 56.146 македонски државјани кои ги впишале своите податоци за пописот, потоа следува Германија со 39.167 лица и Италија со 27.402 македонски државјани.

Државниот завод за статистика  ги демантира информациите што се појавија во јавноста дека постои можност да се самопопишат и лица кои се откажале од македонското државјанство.