Уникатно и совршено сценско доживување. Така на денешната прес-конференција во Охрид беше најавена утрешната претстава „Пеколна комедија“: Исповеди на сериски убиец“ која на Охридско лето и првпат во Македонија како актер го носи светски познатиот холивудски глумец, режисер и продуцент Џон Малкович.

Поврзувајќи ги класичната музика и глумата во еден голем сценско-музички проект, славниот актер утре ќе настапи во придружба на Оркестарот на Виенската академија и сопранистите Чен Реис и Сузан Лангбејн, во рамките на Американската вечер.