Двајца вработени во израелската амбасада, маж и жена, се застрелани пред Еврејскиот музеј во центарот на Вашингтон. Полицијата го именуваше осомничениот како Елијас Родригез од Чикаго, Илиноис и тој е приведен. 

Шефицата за безбедност на САД, Кристи Ноем, вети дека „ќе го изведе сторителот пред лицето на правдата“, додека израелскиот амбасадор во ОН го нарече инцидентот „изопачен чин на антисемитски тероризам“. 

Израелскиот претседател Исак Херцог изјави дека е „скршен“ од убиството на двајца вработени во израелската амбасада во Вашингтон, а американскиот претседател Доналд Трамп ги осуди убиствата и сугерираше дека тие биле поттикнати од антисемитизам.