Кошаркарите на Далас Маверикс се првиот финалист на Западот, откако синоќа јас совладаа Оклахома 117:116 во полуфиналната серија и со 4-2 одат во финале.

Оклахома беше подобра во првото полувреме, имаше предност и од 17 поени разлика, но Далас одигра многу подобро во вториот дел и го сврте мечот.

Вистинска драма се случуваше во завршните минути од натпреварот кога двете екипи се менуваа во водство, на крајот Далас победи со 117-116.

Лука Дончиќ беше лидер во тимот на Далас со трипл-дабл учинок, постигна 29 поени, имаше 10 скокови и 10 асистенции. Ирвинг и Џонс реализираа по 22 поени. Во составот на Оклахома најдобар беше Гилџус Александер со 36 поени.

Далас во финалето ќе игра со подобриот од дуелот меѓу Денвер и Минесота кој вечерва играат мајсторка.