Во родната куќа на Конески, во селото Небрегово, во рамките на манифестацијата „Зборот на Конески“, на новинарката Марија Латиновска од Телевизија 24 ѝ беше врачена наградата „Зборот на Конески“ за зачувување и продолжување на ликот и делото на Блаже Конески. Во емисијата за култура „Неделен микс“ таа третира теми кои се фокусираат на мисијата на големиот Конески - да се негува и правилно користи македонскиот стандарден јазик.